Noynoy For President?

Isa sa mga ginagawa kong pag-promote ng aking mga blogs ay ang paggamit ng twitter. Ang ginagawa ko ay nagclick ako ng mga profiles ng kung sinu-sino at pagkatapos ay saka ko i-follow. Mga ilang araw na ang nakakaraan nang nakareceive ako ng message galing sa isang fina-follow ko. Sabi nya sakin magsign daw ako para sa pagtakbo ni Noynoy for president. Aba nagulat ako. Di ko lam na isa pala sya sa mga na-add ko para i-follow. Ayun nagreply naman ako sa kanya at sinabi ko na, "Magaling sya (Noynoy Aquino) kaso baka nadadala lang kayo ng pagkamatay ni Cory. Gagamitin lang sya ng ibang politicians. Hindi sya desidido sa pagtakbo."

Nagsimula ang "Noynoy For President" na 'yan nung namatay si Cory. Kung di pala namatay si Cory ay di nila maiisip na patakbuhin si Noynoy. At ngayong araw nga na 'to kasabay ng pag-give way si Mar Roxas para kay Noynoy para tumakbong president ay natuklasan ko namang suspended yung account nung nagmessage sakin dun sa twitter at "due to strange activity" daw hahahah.

Wala akong sinasabing hindi sya (Noynoy) karapat-dapat na tumakbo. Aba eh kung desidido talaga sya eh bakit hindi? Kelangan pa bang pumirma ng mga tao para sya tumakbo? Wala naman akong naririnig na masama sa kanya. Sabi nila mabait at di raw sya nangungurakot. Ang tanong ko lang ay nagawa nya ba ang mga sinasabi nya sa plataporma nya nung tumakbo syang senador? Ano bang nangyari sa Tarlac noong congressman pa sya dun? Ano naman kaya ang masasabi ng mga taga Central Azucarera sa Tarlac sa pagtakbo nya?

Naalala ko tuloy nung panahon ni Erap. Pinatalsik nila si Erap tas hinayaan nilang umupo si GMA? Ngayon, puro reklamo sila sa pamamahala ni GMA? Sana bago sila magpatalsik ng presidente ay kilala na nila kung sino ang karapat dapat na pumalit dun sa pinatalsik nila. Sana di nadadala ang mga tao sa kanilang emosyon sa pagpili ng mga mamamahala sa bansa. At sana di nag-take advantage ang ibang mga politicians. Sana di magpagamit si Noynoy sa ibang politicians. Sana manalo ang karapat dapat na mamahala sa bansa.

Hanggang ngayon, di ko pa alam kung sino iboboto ko. Sino kaya?