Dahil Father's Day Ngayon

Mga Ilang Bagay Tungkol Kay Papa:

1. Mahilig syang manood ng telenovela kung saan ang bida ay ang mga paborito nyang artista: Marian Rivera, Angel Locsin, Angelica Panganiban at Ann Curtis.

2. Naniniwala sya na magiging maganda ang result ng x-ray nya kapag uminom sya ng sterilized milk bago magpa-x-ray. Nag-away sila ng brother ko dahil dito.

3. Mama's boy sya. Lahat ng sinasabi ng nanay (lola ko) nya ay pinaniniwalaan at sinusunod nya at dapat nabibisita nya ang nanay nya ng at least twice a year.

4. Gustung gusto nyang panoorin si Ryan Bang at naiyak sya nung napanood nya si Jenny na nakikipag-usap sa tatay nya sa Korea.

5. Mahilig syang mag-videoke. Isa sa mga paborito nyang kantahin ay ang "The Scientist" ng Coldplay.

6. Ang bisyo nya ay ang pagsusugal. Hindi sya nag-yoyosi. Umiinom sya pero madali syang malasing. Pag nalalasing sya, humihiga sya sa sahig. Favorite expression nya ang "Is that so?" pag lasing sya.

7. Gusto nya ng ulam na may sabaw. Isa sa mga paborito nya ay ang papaitan.

8. Hindi sya madaldal. May pagkamahiyain sya pero friendly naman. Lahat ng taong kilala nya ay nagsasabi na mabait sya at palangiti.

9. Favorite actors nya sina Jean-Claude Van Damme at Fernando Poe Jr.

10. Nabuntis nya ang Nanay ko nang hindi pa sila kasal at ako ang naging bunga.

11. Chinito sya. Kamukha nya si Atoy Co nung binata sya.

12. Nagpakulot sya nung nauso ang kulot na buhok nung 1970s.

13. Pag pinapatulog nya kami nung bata kami kinakantahan nya kami ng, "Bahay kubo nakatira si kalbo. Umutot ng todo."

14. First love nya si Mila at first heartbreak nya si Emmy.

15. Pag ngumingiti sya di nya pinapakita ang teeth nya kasi naco-conscious sya. Ayaw nyang nakikita ng tao ang bungi nya.

16. May pagka strict at conservative sya. Pag nagsuot kami ng maikling damit sinasabi nya na di bagay o kaya ay pangit ang damit namin.

17. Sabi nya maging careful daw ako sa pagpili ng magiging asawa. Ayaw nya raw na makitang aapihin ako ng family ng magiging asawa ko. Basta raw tatanggapin nya kung sino man ang magustuhan ko.

18. Tuwang tuwa syang tingnan ang mga taong nag-ice skating.

19. Nagluluto, naglilinis at naglalaba sya sa bahay.

20. Mahilig syang magbigay ng corny jokes.

21.  Henry ang name nya sa birth certificate nya pero ibang name ang ginagamit nya.  Ayaw ng lola ko sa tuhod ang name kasi raw pang amerikano lang daw to.

22.  Nanonood sya ng National Geographic at masyado syang apektado pag nakakapanood sya ng mga hayop na kinakain ng kapwa hayop.

23.  Ang gusto nyang course ay BS Accountancy pero BS Agriculture ang kinuha nya sa college.

24.  Naglalaro sya ng basketball pero ang paborito nya ay ang paglalaro ng chess.

25.  May high blood sya.  Sipunin din sya dahil sa allergy nya.